syukron...telah masuk keblog ana...

syukron...telah masuk keblog ana...
" berusahalah... meskipun itu berat..
tapi percayalah ....
ada balasan yang indah dari setiap keringat yang menetes dari usaha itu..."

Selasa, 22 November 2011

pidato adat minang kabau "manjapuik marapulai "

MANJAPUIK MARAPULAI

ASS.WBB..

MANO SAGALO NINIAK MAMAK NAN GADANG BASA BATUAH RILA JO MAAF AMBO PINTAK NAN DIATOK ATEH SURAMBI DISUSUN JARI NAN SAPULUAH SOMBAH JO SIMPUAH MANJALANI KABAKEH DATUAK SOMBAH SABARIH SAPATAH KATO.

BARILAH AMPUN SAYO MANDATANGKAN SOMBAH, SOMBAH SAUJUD MANJALANI, KAHARIBAAN SAGALO DATUAK SAGALO TUK ANGKU, NAN SAISI RUMAH NANKO, NAN TATANAI DEK LANTAI, NAN TALINGKUANG DEK DINDIANG, NAN TASUNGKUIK DEK ATOK, GADANG INDAK DISABUIK GALA, KETEK INDAK DI IMBAU NAMO, DALAM BUAH PASAMBAHAN KASADONYO, ZAHIRNYO SAMBAH BAKEH DATUAK. JO SAMBAH SIMPUAH SALAM DIANGKEK, SAKALI GAWA BARIBU AMPUN, MAAFKAN JUO BADAN AMBO, DALAM BUAH PASAMBAHAN, KOK SALAH MINTAK DI PATUIK IN, SASEK MINTAK DI IMBAU, TALUNCUA MINTAK DISENTAK, SOBOK AMBOKO KURANG PANDAPEK NAN BAK SIKEK, KURANG SUSUN NAN BAK SIRIAH, ILMU PANGATAHUAN JAUH SAKALI, A-LA NAN KAJADI BUAH PASAMBAHAN PIHAK DIADAT SAWAJAH IKO KINI.

SURI TAGANTUANG BATANUNI SATITIAK DAPEK DILAWUIKAN. JANJI BABUEK BATOPATI KAYU BATAKUAK BARABAHKAN, IYO MALAH DEK BUATAN NINIAK MAMAK KITO NAN DAHULU, NINIAK MAMAK KAMI NAN DIKUMANI JO NINIAK MAMAK NAN DISIKO LATIBO DIHARI KINI DI TAKUOK JANJI SACARO ADAT MANJAPUIK MARAPULAI, JOPUIKNYO JOPUIK TABAWO CUKUIK JO BIDANG NINIK MAMAK SARATO JO RAMBONGAN MUDO-MUDO , PIHAK DIKAMI NAN DIUJO DILOPE DEK NINIAK MAMAK NAN DIKUMANI INDAK LAH LUPO ALURAN ADAT KOK BAJALAN BABUAH BOTIE MALEMBAI BABUAH TANGAN, DALAM BAKABEK JO BABUHUA BABUNGKUI JO SAPU TANGAN TANDONYO ADAT MANJAPUIK MARAPULAI, MAMBAOK SIRIEH SALANGKOKNYO SIMBAH JO SINGKOK LAH DEK DATUAK NAN ISINYO, KOK KURANG KATOKAN CUKUIK KOK SENTEANG TOLONGLAH BILAI, IYO MINTAK DITARIMO DEK NINIAK MAMAK DISIKO, SAKIAN SOMBAH BAKEH DATUAK.

Tidak ada komentar: